Na mañá do venres 19 de xaneiro tiña lugar en Xinzo de Limia a primeira xuntanza de Policías Locais convocada co obxectivo de “tratar de mellorar a coordinación e cooperación intermunicipal”.
Á reunión, na que trataron diferentes apartados do día a día das tarefas da Policía Local, así coma novas metodoloxías ou a creación de convenios intermunicipais de cara ao reforzo de eventos multitudinarios, asistiron os inspectores xefe de Verín e Xinzo; e os oficiais xefe do Carballiño, Barbadás e O Barco de Valdeorras, que eran recibidos polo alcalde de Xinzo, Amador Díaz, o concelleiro de mobilidade, Moncho Gómez.
