Moi contentos, tanto pola actuación como polo trato recibido e a viaxe en xeral, regresaban os membros do Orfeón Trivés da súa viaxe a terras asturianas.
Na tarde do sábado 31 de maio participaban xunto a outras tres corais (Agrupación Coral Amigos de Sabudo, Asociación Coral Voces del Bierzo e Coro Mixto “San Pedro” de Cudillero), no certame de habaneras e canción mariñeira “Añoranzas de Cudillero”.
Dirixido por Sandra González o Orfeón Trivés interpretaba catro temas: Bello ángel mío, harmonizada por Luis Olano Arias; Flores de amor; Blanca gaviota, musicalizada por Jorge Domingo; e Meu amor é mariñeiro. Finalmente todos xuntos interpretaban Asturias patria querida.
Fotos e vídeos cedidos.
