Na tarde do sábado 25 de maio ofrecerá un concerto na Casa da Cultura no que estará acompañado polo Orfeón Caldelas
Co III Concerto Coral “Letras Galegas” finalizará este sábado 25 de maio os actos para conmemorar a data do 17 de maio en Viana do Bolo. Esta actuación, promovida polo Orfeón Vianés, está prevista para ás 20h. na Casa da Cultura da vila.
O Orfeón Vianés estará acompañado polo Orfeón Caldelas. Cada unha das corais interpretará unha habaneira e cinco pezas galegas e, xuntas, cantarán “A Rianxeira” e o himno galego, xa como broche do acto.