Na xornada deste sábado 3 de agosto, unha das máis complicadas do verán pola cantidade de actividades que hai e a xente que se espera, en plenas festas da Rúa e ante a Festa das Covas de Vilamartín, o parque comarcal de bombeiros permanece pechado así como o servizo do GES Valdeorras “por falta de persoal”.
“En 24 horas non hai ningún servizo de emerxencias para toda Valdeorras”, alertan preocupados dende o GES. En canto aos bombeiros, ademais do da Rúa están pechados os parques de Ribeira, Viveiro e Ordes. O máis cercano a Valdeorras está a 84 km “co cal para un incendio nun piso con rescate por fachada tardaríamos 1h15m. en chegar”, aseguran.
Ante esta situación, recoméndase extremar as precacións para non ter que lamentar danos persoais.
