O Pavillón Municipal de Deportes dos Remedios de Ourense volverá abrir as súas portas a partir do vindeiro luns, 1 de marzo, adaptando o seu aforo ao 30% tanto para o interior da instalación como para cada un dos espazos deportivos. O complexo municipal reabrirá no seu horario habitual e non será preciso sacar cita previa, salvo nas actividades dirixidas. Con respecto á piscina de 50 metros Rosario Dueñas estará reservada de 17 a 20 horas, para uso exclusivo das entidades deportivas. As actividades dirixidas comezarán o día 8 de marzo de 2021.
Os usuarios que queiran facer uso das instalacións terán que activar as súas tarxetas a través da páxina web do Consello Municipal de Deportes, ou a través do enderezo de correo electrónico: info@deportesourense.com.
O protocolo de uso das instalacións, neste novo período de apertura, pódese consultar na páxina web do Concello de Ourense.
