Co 1º Trofeo Gallaecia de Orientación celebrado o sábado 28 de outubro nas proximidades do barrio de Mesoiro, na Coruña, poñíase fin á tempada 2023 para a modalidades de O-pé e de Sprint.
Nun día onde a “choiva e o vento dificultou a progresión de todos os participantes asistentes”, en palabras do responsable de orientación do Peña Trevinca Barco, o club valdeorrés participaba con parte de “A Escuelita” de pequenos orientadores, que “demostraron ser capaces de soportar as inclemencias do tempo e dar o mellor de cada un”, asegura orgulloso Pablo Aller.
Con respecto aos resultados na suma das dúas carreiras, Martina Aller obtiña un 5º posto, Brais Rodríguez un 4º e Mailén Aller subíase ao terceiro caixón do podio.
A orientación culmina o día 26 de novembro coa entrega de premios das distintas ligas 2023 e coa realización do Campionato Galego de substitucións na vila de Porto do Son.
