Dende hoxe e ata o 7 de decembro, estará aberto o prazo para a inscrición dos nenos e nenas que desexen participar no Campamento de Nadal 2023, que este ano se celebra baixo o lema “Un barco cheo de luces”.
Dirixido a nenos e nenas de entre 3 e 12 anos, o campamento terá lugar entre os días 23 de decembro de 2024 e o 3 de xaneiro de 2025, con actividades que se desenvolverán entre as 10 e as 13 horas. Tamén haberá servizo de agarda de 9 a 10 e de 13 a 14 horas para os nenos que o precisen, tal e como adiantan dende o Concello.
A recollida e entrega das follas de inscrición pode facerse tanto na Biblioteca Municipal Florencio Delgado Gurriarán como na Librería Praxis. O prezo da actividade estableceuse en 50 euros por inscrito, e o servizo de agarda custa 10 euros por cada franxa horaria. Todas as actividades do campamento terán lugar no edificio da biblioteca, e as prazas (cun máximo de 60) adxudicaranse por rigorosa orde de entrega.
No programa de actividades que se desenvolverá no campamento hai actividades inclusivas e de solidariedade, como xogos, actividades luminosas, manualidades, actividades de inxenio, obradoiros creativo e moitas cousas máis.
