Cunha contundente vitoria abría a tempada en casa o Rúa Valdeorras Futgal. Tralo empate a dous no primeiro partido de liga disputado en Viana do Bolo ante o Vianariño, as rapazas de Jovito saltaban ao parque do pavillón municipal da Rúa disposta a sumar os tres puntos en xogo diante da afección, e vaia se o facían.
Na tarde deste domingo 12 de outubro o equipo valdeorrés de fútbol sala feminino enfrontábase ao Maside, cun resultado histórico: 17-1. O primeiro gol marcábano as visitantes en propia meta e a partir de aí o Rúa seguía sumando. Yolanda marcaba 4 goles; Noemí outros 4; Anxela 1; Sabela 2; Leti outros 2; Julia 2 máis; e María del Mar 1. No minuto 44 o Maside marcaba o seu único tanto do encontro, xa sen tempo para máis.
Con este resultado o Rúa é cuarto á espera do seguinte partido, de novo en casa, contra o Carballiño “B”.
Fotos e vídeo: Mónica G. Bellver.