O grupo berciano Mazu poñerá a nota musical no evento que marca o inicio da conta atrás para o SilFest Valdeorras 2024. A festa será na terraza do Catro Camiños da Rúa e completarase con paella a prezos populares e sorteo de entradas e merchandising do festival.
A entrada é gratuíta e a cita é este venres día 28 a partir das 21 horas e daranse coñecer detalles desta edición do SilFest que se consolida como alternativa estival aos grandes festivais. Con artistas emerxentes e grandes bandas como se merece: sen aglomeracións, cun bo Godello na man e gozando do bo ambiente que sempre se xera a beiras do Sil. Ademais dedescubrir novos sabores e cheiros nas catas e talleres, navegar o Sil en kaiak ou gozar cos máis pequenos na completa programación do MiniSilFest.
A festa deste venres conta co apoio de Vibra Mahou, a plataforma de música de Mahou Cinco 5 Estrella que xera encontros en torno ao directo.
