Sobresaínte actuación do padexeiro valdeorrés Adrián Prada Pérez, do Club Piragüismo Rías Baixas-Boiro, no XXX Campionato de España de Maratón, que se celebraba nesta fin de semana en Zamora. Comezaba a competición subíndose ao podio o 29 de maio ao lograr un bronce na competición de maratón curto. Xa o sábado facíase coa medalla de prata na distancia de maratón (28.200 m) en K-1 sénior, resultado que lle dá praza para o europeo de Romanía a finais de xuño.
Finalmente, neste domingo conseguía un ouro en maratón K2, compartindo barco con Brais Sánchez. Eran os máis rápidos da proba cun rexistro de 01:55:21,30.
Fotos: loispradaf
