Ata once medallas de ouro veñen de colleitar os viños da Denominación de Orixe Ribeira Sacra tras a súa participación no Mondial des Vins Extremes, celebrado en Aosta (Italia) entre o 27 e o 29 de agosto. A D.O. Ribeira Sacra presentaba este ano 64 mostras, 53 de tintos e 11 de brancos, pertencentes a 36 adegas. Entre os viños distinguidos estaba o Alcouce 2014 da da adega trivesa Chao do Couso.
O Mondial des Vins Extrêmes, que organiza o CERVIM é o concurso enolóxico máis importante, reservado aos viños producidos en rexións de montaña ou procedentes de cultivos extremos: altitude superior a 500 metros, pendente do terreo superior ao 30% (en zonas da D.O. Ribeira Sacra chégase ao 80%) ou sistemas vitícolas de cultivo en socalcos).
LISTAXE DE VIÑOS GALARDOADOS EN AOSTA
Medalla de ouro, Categoría Viños Brancos colleita 2019:
- Viña Garoña de Adegas Viña Garoña S.L.
Medalla de ouro, Categoría Viños Tintos colleitas 2019 e 2018:
- Os Cipreses 2018 de Rabelas S.L.
- Acrivro 2018 de Adegas Salvadur S.L.
- Garoubas 2018 de Fidel Gallego Carreira
- Ciudaseis Pedras Altas barrica 2018 de María Gloria Alvarín Losada
- Abadía da Cova Xuño 2018 de Adegas Moure S.A.
- Finca Cuarta 2019 de Rubén Moure Fernández
Medalla de ouro, Categoría Viños Tintos vendimas 2017 e anteriores:
- Finca La Capitana 2014 de Regina Viarum S.L.
- Adega Barbado 2017 de Javier Méndez Arias
- Finca Cuarta 2017 de Rubén Moure Fernández
- Alcouce 2014 de Chao do Couso S.L.
