O clube Marusia organiza a XIII edición do Torneo Internacional de Ximnasia Rítmica, que leva por nome “A provincia termal” e que se celebrará do 17 ao 20 de abril en Ourense.
O vicepresidente segundo e deputado de Deportes, César Fernández, participaba na mañá deste luns 14 de abril na presentación, nun acto celebrado no patio interior do Pazo Provincial.
A Deputación de Ourense, no marco do seu compromiso co fomento do deporte, patrocina este torneo que reunirá durante catro días a ximnastas nacionais e internacionais no Pazo dos Deportes Paco Paz.
