Concluía onte o prazo para que o público puidese votar ás propostas dos establecementos participantes no II Concurso de Maridanza do Barco (Café Teatro Baixo 5, Cafetería Fernando III, Bar San Roque, Cervecería 13/14, Muro do Malecón, Agarimo Tapería, Alpha Raíces e Taberna O Buraco). Pola súa participación o público optará a tres tarxetas agasallo ValdeCASCH e un lote de viños da D.O. Valdeorras.
E neste sábado día 10 o xurado do concurso está a avaliar as propostas de todos os locais, puntuando o emprego de produtos gourmet de proximidade e a súa combinación cos viños. Para os establecementos haberá un premio por voto popular, ademais doutros dous do xurado, un pola maridanza con viño tinto e outro pola maridanza co viño branco.
A entrega de premios terá lugar o domingo 11 de decembro, ás 12.30 horas, nun acto que estará precedido dun percorrido a través do Malecón coa participación da regueifeira Lupe Blanco Vázquez, quen sacará o mellor dás súas dotes interpretativas e de improvisación oral. Este concurso dá continuidade á súa exitosa primeira edición, celebrada no Entroido de 2019, e que quedou interrompida pola pandemia.
Este II Concurso de Maridanza enmárcase no programa AEVAEMPREGATE IV, que conta co patrocinio da Deputación Provincial de Ourense.
Fotos e vídeos: Carlos G. Hervella.
