Un ano máis o alumnado do colexio San Pablo VI-Fátima da Rúa recrea o English Word, un día adicado ao inglés na Biblioteca Municipal que este ano non puderon celebrar alí por culpa do coronavirus, apostando polas plataformas dixitais.
Nesta ocasión a actividade, coordinada pola profesora de inglés Rocío Illesca, tiña lugar os días 9 e 10 de xuño, e en lugar de achegarse ata a biblioteca como edicións anteriores, fixérono por videoconferencia dende o colexio e as casas. Coa axuda dos pais, os estudantes de 6º de Educación Primaria recrearon coas súas fotos e vídeos, o libro Around the World in Eighty Days co que xa traballaran na segunda evaluación nas clases presenciais que quedaron interrompidas pola pandemia a mediados do mes de marzo.
As fotos e vídeos publícanse nas redes sociais do colexio, tanto en Facebook como en Instagram co agradecemento da profesora polo “esforzo para facer posible nestes momentos a celebración, un ano máis, do noso día adicado ao inglés”, di Rocío.
Fotos e vídeo cedidos.
