Diferentes xeracións de alumnos formados nas aulas do actual IES Carlos Casares de Viana do Bolo reuníanse na noite do 26 de agosto para conmemorar unha data moi especial: o medio século de vida deste centro educativo.
Era unha celebración interxeracional que comezaba cunha cea, tipo bufé, nas piscinas municipais de Viana do Bolo ás nove da noite. A cea, á que acudían unhas 70 persoas, foi servida por Mantesil.
A partires das once da noite, os asistentes, de idades moi diferentes, dirixíanse ata a praza Maior da vila, onde compartían a celebración co resto dos veciños da vila que enchían a praza. Soaba a música de diferentes épocas e a festa continuaba ata ben entrada a madrugada. Este guateque ten sido patrocinado polos bares da praza (Caracas, Lucía, Viana 76, Gran Bazar, Chiricahua) e por Muriasprint.
Fotos: Carlos G. Hervella, agás as dúas últimas cedidas por Cristina Fernández.
Máis información e fotos na edición en papel do Periódico O Sil