Nesta xornada de martes 18 de agosto a provincia de Ourense rexistra un total de 17 novos positivos de Covid-19 con respecto a onte, o que supón un total de 131 casos activos de coronavirus, segundo a actualización de datos que vén de publicar a Dirección Xeral de Saúde Pública da Consellería de Sanidade.
Os ingresos hospitalarios no CHUO ascenden a catro persoas e non hai ningún paciente na UCI Covid e os 127 restantes están a seguemento a domicilio. O Sergas continúa o rastrexo de contactos estreitos dos afectados e son uns 15 os brotes actuais.
No conxunto de Galicia o número de casos activos de coronavirus é de 1.505, deles 921 son da área da Coruña, 113 da de Lugo, os 131 da de Ourense xa mencionados, 75 da de Pontevedra, 139 da área de Vigo, 67 da de Santiago, e 59 da de Ferrol.