Baile de escuma, inchables, concursos de tartas e actuacións musicais nas festas de fin de curso
Pouco a pouco os centros de Educación Infantil e Primaria de Valdeorras van poñendo o broche ao curso escolar 2014/2015. E nada mellor que facelo coas tradicionais festas nas que cativos, profesores e pais comparten unhas horas lúdicas.
Na mañá do 18 de xuño eran os colexios Condesa de Fenosa e Julio Gurriarán do Barco de Valdeorras os que celebraban as súas respectivas festas de fin de curso. Na do primeiro houbo inchables, baile da escuma e ata un concurso de tartas. Na do segundo, a actividade central foi a actuación dos cativos por cursos e a despedida, coa entrega de diplomas incluída, aos alumos de 6º que este ano deixan o centro.
Fotos: Mónica G. Bellver
