Os comerciantes ourensáns seguen a levar a cabo accións para que se declare o 19 de marzo (día do pai) como festivo permanente. O venres e o sábado, a rúa do Paseo de Ourense e a Praza de Abastos Número 1, acollían sendas mesas de recollida de sinaturas para tirar adiante coa petición.
Dende o Centro Comercial Aberto de Ourense sinalan que esta recollida de sinaturas levarase a cabo tamén nos comercios asociados durante toda a semana, polo que o reconto sairá publicado a finais da mesma.