Brincadeiros, mercadiño, exhibicións, actuacións musicais e ata rutas de sendeirismo. Son os ingredientes cos que a estación de montaña Oca Nova Manzaneda ultima a edición da festa Beltane 2016 para os días 8, 9 e 10 de xullo.
No apartado musical, o venres está prevista a actuación do grupo Cuchufellos de Manzaneda, seguida dunha sesión DJ de Danzalia. E o sábado tocaralle o turno a Doctor Queen que dará o “único concerto gratuíto na súa xira por Galicia sendo, para moitos, a mellor banda tributo do mundo, ao conxugar un incrible parecido físico coa banda orixinal cunha impresionante posta en escena onde as voces e o vestiario recrean de forma precisa á mítica banda de Freddie Mercury”, explican dende a organización. Como teloneiros actuará a banda valdeorresa Placeres Solitarios, rematando a noite cunha nova sesión DJ a cargo de Danzalia.
Máis información na vindeira edición en papel do Periódico O Sil.