O presidente do Parlamento de Galicia, Miguel Ángel Santalices, recibiu hoxe, 12 de xuño, na Cámara ao alumnado de ESO dos centros Padre Feijóo-Zorelle, de Ourense, e do Sagrado Corazón do Carballiño, gañadores do premio Estatuto de Autonomía de Galicia, convocado pola Deputación nas modalidades de debuxo e redacción escolar.
Durante o encontro, Miguel Santalices explicou aos escolares a historia e o funcionamento da institución que preside e respondeu ás preguntas formuladas polo alumnado.
A visita ao parlamento, xunto con outras actividades de carácter cultural, era un dos premios contemplados nas bases da convocatoria.