Novo ano, novo equipo e novos obxectivos. Os irmáns Sébastien e Michael Hernández, pilotos franceses con orixes en Valdeorras veñen de fichar polo ‘Team Peugeot Poissy’ e con el participarán na Ultimate Cup Series 2022, o campionato europeo automobilístico de resistencia que consta de seis probas (5 en Francia e 1 en España, concretamente en Navarra).
A primeira carreira que disputarán os irmáns Hernández ao volante do seu Peugeot 208 será no circuíto de Le Castellet o 29 de abril e o 1 de maio e, tal como explica o propio Sébastien, este ano teñen como obxectivo situarse entre os dez mellores do campionato. “O ano pasado terminamos no posto 12 de 56 coches a pesares de ter que abandoar dúas carreiras por avarías así que este ano esperamos rematar no Top 10 europeo”, asegura o piloto.
