En plena Semana Santa, son moitos os cultos que cada ano se celebran na Pobra de Trives en torno á paixón, morte e resurrección de Cristo. Esta noite de Venres Santo tería lugar unha das máis concorridas, a Procesión da Soidade, pero o estado de alarma e o conseguinte confinamento para intentar frear os contaxios por Covid-19, impiden a súa celebración.
Por iso, dende o Concello queren, a través deste vídeo, dar as grazas aos veciños polo seu comportamento responsable. “As rúas baleiras son a mellor forma de loitar nesta guerra que o noso pobo ten que ganar”, aseguran.
