Máis alá dos combates que de por si xeran unha gran expectación, as veladas de MMA que se celebran en Valdeorras son todo un espectáculo. De aí que a organización decidise, un ano ano máis, realizar a pesaxe dos púxiles que loitarán esta noite no pavillón vello do Barco, nun acto previo aberto ao público.
A partir das 20:30 horas celebrarase o MFC-051 Showdown que reunirá a un bo número de loitadores de artes marciais mixtas de clubs chegados dende diferentes partes de Galicia, de Xixón e Portugal, que se enfrontarán en case unha decena de combates amateur. Loitadores que no mediodía deste sábado 18 de abril eran pesados na terraza do Bar A Capitana, na praza José Otero, diante de numeroso público.
Nun combate de MMA cada gramo inflúe, de aí a importancia de lograr o peso óptimo para o evento, converténdose a pesaxe en todo un reclamo para os combates se celebrarán dentro dunhas horas e prometen moita animación. Por parte do Graíño Team O Barco loitarán Alejandro Méndez -63 kilos; Eder Rodríguez -71 kilos; e Felipe Morales -74 kilos, os tres adestrados polos irmáns Luis e Juan Pardo nas instalacións do Ximnasio Valsport.
Fotos: Mónica G. Bellver.