Igual que O Barco e tamén A Rúa en edicións anteriores, para que cada quen sepa onde ten que sentarse, o Concello vén de facer público o plan de mesas para o xantar da XV Festa do Codillo que se celebrará mañá, sábado 27 de xaneiro a partir das 14:30 horas.
Con respecto ao menú, o tradicional (consomé con picatostes, codillo acompañado de grelos, chourizos e cachelos, bica, bebidas, café e licores) incorpora este ano sorbete de limón ao cava de Almendralejo e La Torta. Como edicións anteriores irá acompañado dunha “táboa musical de repetición que pretendemos que combine cos pratos ao tempo que saen os camareiros”, en palabras do concelleiro José Vicente Solarat.