Moi contentos están no Vianariño FS tralos resultados colleitados na xornada do sábado 16 de decembro, con pleno de vitorias para os seus equipos.
O xuvenil vencía con contundencia 1-7 ao Coles FS mentres que o feminino facía o propio, tamén a domicilio, fronte ao Coles ao que superaba 1-2, logrando a súa primeira vitoria.
No que respecta ao equipo sénior que compite en Preferente Galicia, xogaba en casa (no pavillón municipal de Viana do Bolo) logrando un meritorio 9-4 ante Gondomar FS. Aínda que eran os visitantes os que se adiantaban no marcador cun temperán gol no minuto 1, os de Xocas Miranda reaccionaban rápido logrando darlle a volta ao marcador. Os goles locais foron de Jonathan Macía en dúas ocasións, Manuel Rodríguez, Borja Monteagudo (2), Alejandro García, Ígor Macía (2) e Jairo Álvarez.
O seguinte partido xgarano o sábado 23 de decembro no pavillón de Viana.
Fotos cedidas.
