No Centro Cultural Avenida comezaba na tarde deste venres 5 de xullo a XXXVI edición do Encontro de Poetas organizado polo Instituto de Estudos Valdeorreses coa colaboración do Concello da Rúa.
A xuntanza, coordinada pola presidenta da sección de Poesía do IEV, María Carmen Gago e Emilio Vega o comezaba en torno ás 20:30h. coa homenaxe a Antonio González Guerrero, un “gran poeta e sobre todo gran amigo que perdimos hai xa 20 anos pero que segue estando na nosa cabeza e no noso corazón que estivo nestes encontros en numerosas ocasións, participando activamente, á quen é moi grato lembrar”, dixo Gago Florenti antes de que Emilio Vega lera algún dos seus poemas.
De seguido comezaba o recital propiamente no que se botaron de menos os versos de Emma Fernández que tradicionalmente abría o acto e outros poetas que enviaron os seus versos para que os leran María Carmen e Emilio. Hoxe o apartado musical corría por conta de José Luengo de Bembibre.
O encontro continuará mañá coa segunda xornada de recitais no que participarán un total de 25 poetas de diferentes partes de Galicia, León e incluso Arxentina.
Fotos e vídeo: O SIL.
