Destacada actuación do Fluvial Barco na segunda xornada da Copa Deputación de Ourense de piragüismo. Os padexeiros do club sumaban preto de vinte podios nunha competición que se celebraba o 15 de xullo nas augas do encoro de Albarellos-Avión.
Sobresaía a vitoria en K-1 sénior 4.000 m de Jesús Rodríguez León, que entraba en meta seguido de Sergio Ruiz, mentres que nesta mesma categoría Rubén Ondoño facíase coa cuarta posición. En K-1 sénior feminino Marta Paradelo quedaba terceira.
Tamén eran numerosos os podios nas categorías base. Así en infantil A K-1 2.000, Juan José Rodríguez impoñíase, mentres que Daniel Rodríguez era segundo. Nesta mesma categoría feminina o Fluvial Barco dominaba o podio: Sabela Rodríguez ganaba, Marta López situábase segunda e Xiana Fernández terceira. En cadete 4.000, Joel Rodríguez proclamábas subcampión na regata.
En infantil B K-1 2.000 vencía Nicolás Díaz e Iker García era segundo, ademais en alevín B K-1 1.000 Miguel Real entraba segundo e Carlos Suárez terceiro, sendo Lidia Fernández a ganadora e Candela Fernández a terceira nesta mesma competición feminina. En alevín A K-1 1.000 facíase co título Paula Rodríguez e en benxamín K-1 1000 Carlota Díaz. Finalmente en veteranos K-1 4.000 o triunfo era para José Antonio Girón, sendo terceiro Roberto González.
Na clasificación por clubs, o Fluvial Barco acadaba a segunda posición nunha táboa liderada polo Fluvial Allariz.