Adrián Iglesias, Isi, Marcos Vilachá, Germán, Senén, Luís Salgado, Carlos Villar, Sergio, Martín Torres, Luis Fariñas e Hugo García. É o 11 titular co que o Verín CF saltaba ao terreo de xogo na tarde deste domingo 25 de setembro para disputar en casa, no campo José Arjiz, o terceiro partido de liga na Preferente Sur ante o Moraña CF.
Trala derrota 0-1 en Verín ante o Atético Arnoia, o empate a uns no campo do CD Pontellas e importantes baixas (Brais, Hugo Domínguez, Aitor, Xoel, Alberto Blanco e Peru), os rapaces de Juanjo Vilachá saltaban ao terreo de xogo dispostos a lograr a primeira vitoria da tempada, e así o facían dun xeito ademais contundente.
Corría o minuto 33 cando Isi abría o marcador poñendo o 1-0 favorable para os verineses. Tralo paso polo vestiario, xa na segunda metade do partido , Luisito marcaba o segundo local (57′), sendo Martín Torres quen sentenciaba o encontro marcando o terceiro gol no minuto 62.
Con este resultado os vermellos suben ata o posto 9º, tendo no Portonovo ao seguinte rival dun partido que se disputará na vindeira fin de semana novamente no campo José Arjiz.
Fotos: Carlos G. Hervella.
