Ante as medidas de restrición de movementos debidas á crise do coronavirus, o Concello de Quiroga vén de poñer en marcha un servizo de axuda a domicilio para as persoas da terceira idade que non dispoñan de persoas no seu entorno.
“Mediante este servizo persoal municipal levaralles a persoas maiores ou con incapacidade ata o seu domicilio alimentos de primeira necesidade ou medicamentos”, segundo se informa dende este Concello.
As persoas que precisen deste servizo deberán de chamar ao teléfono da Policía Local 649.81.90.52 ou aos teléfonos do Grupo de Emerxencias 982.42.83.55 e 636.69.35.00
O Concello de Quiroga recórdalle aos veciños que “é moi importante permanecer na casa, salvo desprazamentos de causa maior”.
