Ante a devastación que está deixando en Rubiá o incendio forestal que afecta a Valdeorras, o seu tenente de alcalde e alcalde en funcións, Ignacio Doce Franco, vén de anunciar que en breve vai convocar unha sesión plenaria extraordinaria para pedir a declaración de “zona afectada gravemente por unha emerxencia de protección civil”.
“O pleno convocarase en canto o secretario teña a documentación tramitada, podería ser mañá ou pasado”, sinala Ignacio Doce.