A Asociación Huellas de Cabrera vén de iniciar a súa decimoquinta tempada de senderismo cunha ruta en Ponferrada (León). O percorrido comezaba a carón das piscinas climatizadas para ir en busca da Senda de Bas, un novo sendeiro construído no contorno de Ponferrada en 2018 e 2019 en homenaxe ao ex xugador olímpico de voleibol holandés Bas van de Goor e fundador da organización que leva o seu nome, a Basvandegoor foundation
A senda foi realizada por un gran grupo de voluntarios, coa dirección dos Canteiros e co apoio dalgunhas organizacións locais, permitindo sen apenas saír de Ponferrada poderse adentrar na contorna berciano nun percorrido sinxelo e que enlaza con outras sendas coñecidas.
“Nesta ocasión unímola á Senda dos Canteiros, un camiño que recentemente se acondicionou por iniciativa particular (con axuda económica dos pobos de San Miguel das Donas e Ponferrada) para transitar entre Ponferrada e San Miguel das Donas. Nestes lares, noutros tempos, sacouse pedra pra construcción de edificios, incluido o Palacio Episcopal de Astorga de Gaudí. As vistas son espectaculares do canón do río Boeza”, destacan os participantes na ruta. Deste xeito encetaban a tempada “cunha ruta circular moi bonita, sinxela e apta para todos”.
Fotos: Miguel L. Blanco/loispradaf
