Continúan imparables as cifras de casos activos en Valdeorras, que suma un total de 843 positivos (datos actualizados ás 18h. de onte), o que supón 123 máis que o pasado venres, cando se emitía a última actualización de datos por parte da Consellería de Sanidade.
Por concellos, o Barco suma outro novo récord de contaxios de Covid con 566 positivos, o que significa 45 máis que o pasado 7 de xaneiro. Tamén soben en practicamente todos os municipios, sendo Larouco o que rexistra unha maior suba cun total de 35 casos activos (32 máis que o venres). O Bolo suma tamén 35 contaxios (11 máis que o venres), Carballeda de Valdeorras ten 30 (11 máis que o venres), Petín ten 19 (7 máis que o venres), A Rúa suma 101 (9 máis que o venres), Rubiá rexistra 31 (7 máis que o venres), e A Veiga 6 (1 máis que o venres).
O único concello valdeorrés que se mantén é Vilamartín, con 20 casos activos, os mesmos que o venres.
Con respecto aos ingresos por Covid, o Hospital Público de Valdeorras rexistra nesta xornada 2 ingresos en planta.
