Mantéñense estables os datos de Covid na provincia de Ourense. Segundo os datos comunicados hoxe pola Consellería de Sanidade (actualizados ás 18h. do 8 de decembro), contabilízanse 377 positivos (os mesmos que onte). Ademais baixan as hospitalizacións en planta, un total de 33 (6 menos que onte) e 3 na UCI (as mesmas que onte). Sen embargo, repuntan os novos casos confirmados por PCR nas últimas 24 horas ata os 34 (fronte aos 20 de onte).
Con respecto aos ingresos o Hospital de Valdeorras mantén hoxe 5 pacientes con coronavirus en planta (os mesmo que nos últimos 5 días), mentres que o Hospital de Verín sobe a 2 (1 máis que onte) e o Hospital Universitario de Ourense rexistra 26 en planta (1 menos que onte) e 3 na Unidade de Coidados Intensivos (os mesmos que onte).
O total de casos rexistrados ata o de agora na provincia ascende a 7.752, con 7.077 curados e 297 falecidos (o último rexistrábase onte no Hospital Universitario de Ourense). Polo de agora lévanse realizado 120.257 probas PCR e 65.400 probas serolóxicas.
