Complicado e conflitivo foi o partido que se disputaba na tarde do 11 de decembro no campo rues do Aguillón, con constantes enfrontamentos no campo por parte dos xogadores de ámbolos dous equipos e un público indignado, ante un colexiado que non sabía moi ben por onde saír, sacando ata tres cartóns amarelos para cada plantel.
Álex adiantaba ao Rúa no marcador xa no minuto 8 mantendo o resultado ata case o final da primeira parte, co gol do empate de Julio para o Leiro CF. Xa na segunda metade, o propio Julio adiantaba aos visitantes sobre o terreo de xogo do Aguillón, e tras varias oportunidades para os rueses, con tiros ao poste incluídos, Carlos marcaba para o Rúa.
O partido remataba co empate a dous no marcador e o reparto de puntos. O Rúa é oitavo, a tres puntos do Leiro (noveno).
Fotos: Mónica G. Bellver.
