No marco das actividades de saúde comunitaria que organiza o Centro de Saúde do Barco esta tarde vén de impartirse un “Taller de soporte vital básico”, dirixido a docentes. Esta sesión formativa, impartida polas enfermeiras especialistas en Pediatría Iria María Villar e Beatriz Rodríguez Collazo, desenvolvíase no salón de actos do CEIP Condesa de Fenosa do Barco.
Neste taller inscribíanse uns 15 profesores e o material para realizalo foi cedido por Ambulancias Sil. “Este obradoiro xurde a demanda do profesorado, no marco do contacto permanente do persoal de atención primaria cos colexios das súas áreas de referencia, en programas como Pupas, Sustos e Outros Disgustos, Coñece o teu Centro de Saúde, etc.”, indican dende a área sanitaria ourensá. Trátase ademais do primeiro obradoiro destas características que se organiza en Ourense.
Fotos: Mónica G. Bellver.