Unha visita teatralizada ao Mosteiro de Santa Cristina de Ribas de Sil tiña lugar o venres 6 de outubro, organizada Pola Asociación Cultural Platea Lúa (da que forman parte doce compoñentes de Ourense, Celanova,Ribadavia, Sandiás e Cartelle) en colaboración coa Deputación de Ourense e o concello de Parada de Sil.
Esta asociación pretende pór en valor o patrimonio dun xeito diferenciado e ameno para os asistentes. Neste caso unha actriz e dous actores explicaron a importanica dos monxes nesta zona, así como as súas actividades e a importancia artística do mosterio, “a xoia do románico” na Ribeira Sacra.
Tamén puxeron en valor a paisaxe do souto de Merilán, así como a súa importancia na economía da contorna.
Fotos cedidas.
