Atletas da base de diferentes puntos da comarca de Valdeorras, pero tamén de zonas como as Terras de Trives, Viana do Bolo e mesmo de Ourense dábanse cita esta mañá en Calabagueiros (O Barco) para participar na terceira xornada de atletismo en pista Xogade. En total eran uns 156 nenos e nenas.
Trátase dunha xornada de marcas ao aire libre que se iniciaba rozando as dez da mañá coa proba de 2 km marcha Sub14 e Sub12 e coa altura Sub12, a partir de aí virían diferentes disciplinas. Entre os clubs participantes estaban do Adas Cupa, o Atletismo Rúa, o CEIP Bibei de Viana do Bolo, as Escolas Deportivas de Trives, Ourense Atletismo e CD La Purísima.
Este xornada ten sido promovida polo Club Adas coa colaboración da Delegación Valdeorresa da Federación Galega de Atletismo.
Fotos: Carlos G. Hervella.
