Superada a metade da liga comezan os movementos do ano no Centro de Deportes Barco. Así, trala baixa de Adri Díaz, cedido á SD Sarriana ata fin de tempada, a directiva vén de anunciar a primeira fichaxe no mercado de inverno.
Trátase de Toni Seoane (32 anos), mediocentro cordobés que chega ao Barco dende equipo manchego do Villarrubia CF onde foi capitán durante as últimas 4 tempadas. Tal como explican dende a directiva barquense, Toni conta cunha ampla experiencia en varios equipos da antiga 2ªB como o Arandina CF ou a SD Amorebieta actual equipo da Liga SmartBank, ademais do Córdoba CF.
