A tradición das lavandeiras contada e musicada, o 15 de outubro en Viana do Bolo

Vero Rilo e Carlos Quintá (Daboapipa) porán voz e música, respectivamente, a unha fervenza de historias sobre “Lavandeiras”. Será o 15 de outubro ás 20h. sobre o escenario da Casa da Cultura de Viana do Bolo.

Neste espectáculo rescatan a memoria das mulleres que en tempos ían diariamente a lavar no río ou nos lavadoiros. Entrelazan cancións populares, compostas polas mulleres nestes lugares que, ademais dun sitio de traballo, eran un espazo de socialización. Esta obra, que forma parte do Ciclo Teatro de Outono, prográmase con motivo da celebración do “Día Internacional da Muller Rural”.