Os bombos e as aixadas volverán soar a partires da catro e media da tarde pola vila
Malia que o calendario indica que estamos na Coresma, os bombos, as aixadas e as máscaras volverán saír á rúa o sábado 9 de marzo na Veiga. Esta localidade será escenario dun desfile de trece folións que comezará a partires das catro e media da tarde.
A comitiva abriraa o folión anfitrión, o da Veiga, e despois soarán os toques do folión de Bembibre (Viana do Bolo), das Maceiras (Trives), do de Fradelo, Penouta e Ramilo (Viana do Bolo), dun folión de Petín, de Carracedo da Serra (A Gudiña), Cabo da Vila (Viana), Buxán (O Bolo), A Lardeira (Trives), O Tameirón (A Gudiña), Os Labregos (Trives) e Mormentelos (Vilariño de Conso).
Con este acto completarase o programa de actos do Entroido 2019 do Concello da Veiga.