A Consellería de Sanidade vén de notificar o falecemento en Galicia nas últimas horas de 15 persoas que foran diagnosticada por coronavirus, tres delas na provincia de Ourense. Trátase dunha uller de 99 anos, ingresada no Complexo Hospitalario Universitario de Ourense (procedente da Residencia La Saleta de San Cristovo de Cea); dun home de 94 anos que faleceu no seu domicilio da área sanitaria de Ourense (Boborás) e dunha muller de 88 anos, tamén ingresada no CHUO. Os tres presentaban patoloxías previas, segundo o Sergas.
Ademais, perdían a vida outras doce persoas en Galicia: un de 88 anos e outro de 78 anos que estaban ingresados no Complexo Hospitalario Universitario da Coruña, un home de 84 anos, ingresado no Complexo Hospitalario Universitario de Ferrol e un home de 96 anos, falecido no seu domicilio da área sanitaria de Ferrol, unha muller de 90 anos na Residencia Nosa Sra. das Virtudes de Pontedeume, un home de 86 anos ingresado no Hospital HM La Rosaleda (procedente da Residencia Santa Olalla de Boqueixón), unha muller de 96 anos no seu domicilio da área sanitaria de Santiago (Santiago), un home de 87 anos e unha muller de 105 anos (procedentes da Residencia Santa Olalla de Boqueixón) ingresados no Complexo Hospitalario de Santiago, unha muller de 92 anos ingresada no Complexo Hospitalario Universitario de Vigo (procedente da Residencia de Salvaterra de Miño), un home de 91 anos ingresado no Hospital Vithas Fátima de Vigo e un home de 69 anos ingresado no CHUVI. Todos eles presentaban patoloxías previas.
