Dous de fútbol sala e un de fútbol, todos a domicilio. Son os partidos disputados polo Club Deportivo Trives na fin de semana do 11 e 12 de novembro.
O sábado eran os cativos das Escolas Deportivas de Fútbol Sala os que xogaban o segundo partido da tempada, con resultados variados. Os benxamíns vencían 0-6 ao Mestre Vide; mentres que os alevíns perdían 11-0 contra Xuventude de Ourense.
O domingo tocáballe o turno ao equipo de fútbol que compite na Segunda Galicia, que perdía 2-1 en Ourense contra o Pabellón CF. Os ourensáns adiantábanse no marcador co primeiro gol no minuto 26 e Adan empataba marcando para o Trives no 35′. Xa na segunda parte o Pabellón volvía marcar sentenciando o encontro.
Fotos cedidas.
