Esta mañá o Concello da Pobra de Trives daba a coñecer o programa das Festas do Cristo e da Dolorosa, que se celebrarán na vila do 13 ao 17 de setembro. Son moitas as propostas incluídas nel, cun protagonismo especial para o apartado musical con orquestras como a Panorama, o día 13, Galilea o día 14 ou Florida Band o 17.
Por suposto, non faltarán os actos relixiosos, especialmente as procesións do Cristo da Misercordia o día 14 e a da Virxe Dolorosa o día 17 de setembro.