Esta entidade de atletismo facía un percorrido ata o santuario bolés na mañá do 17 de maio
Os membros de Trotadas Valdeorras celebraban o 17 de maio a terceira edición da súa Romería As Ermitas. Ás oito da mañá un total de dez corredores partían dende a Casa Consistorial do Barco rumbo ao santuario bolés e ás nove e media saían os camiñantes, uns 16, dende o Concello de Petín.
A unha da tarde completábanse as chegadas ás Ermitas e, unha vez alí, tiña lugar un baño no río Biei, así como unha entrega dun ramo á Virxe, e a continuación, un xantar campestre. A partires das catro iniciaban o camiño de volta ao Barco.