Entre as denominacións de orixe ourensás presentes na edición do 2017 de Prowein, mostra internacional do sector do viño que se celebra en Düssedolrf ata o 21 de marzo, está O Ribeiro. Vén de presentarse no certame cun túnel con 35 referencias de viños (brancos e tintos de 22 adegas) e coa participación presencial de oito adegas (Casal de Armán, Coto de Gomariz, Manuel Formigo, Pazo Casanova, Priorato de Razamonde, Ramón do Casar, Val de Souto y Viña Costeira) no stand de “Vinos de España”, no pavillón de España – ICEX.
Cristina Alcalá, xerente do C.R.D.O. Ribeiro, sinala que “o obxectivo principal de acudir a esta feira é activar as opcións de venda no estranxeiro e explorar as diversas oportunidades de negocio que podan xurdir ao estar en contacto con profesionais de máis de 100 países, así como facer fincapié en afianzar as exportacións, fidelizar clientes e ofrecer información sobre as novas añadas e produtos.”
Asemade para reforzar a participación nesta feira, a D.O. Ribeiro organizou unha presentación-cata sobre a D.O. e 10 dos seus viños (9 blancos e 1 tinto), da man do catador e xornalista especializado alemán, David Schwarzwälder, titulada “Os viños de terroir galego da D.O. Ribeiro”.
Esta cata desenvolvíase o domingo ás 12.00 horas no stand do ICEX e resultaba todo un éxito con aforo completo. Durante a charla, “remarcábase o estilo diferencial e singularidade dos viños do Ribeiro, froito da evolución e do bo saber facer das adegas da D.O., para aportar valor á experiencia do consumidor”, segundo o seu consello regulador.
Fotos: CRDO Ribeiro
