A praza do Concello barquense acollía no mediodía deste luns 22 de outubro a terceira concentración deste mes baixo o lema “En defensa do sistema público de pensións, hoxe, mañá e sempre” e “por unhas pensións dignas”, convocadas polo sindicato CCOO e polo Colectivo de Pensionistas de Valdeorras.
Nesta mobilización acordábase cesar polo de agora as concentracións en espera do que suceda cos orzamentos xerais do Estado. Isto suporá que non se celebrará xa a que estaba convocada para o derradeiro luns de outubro.
