A natureza nunca defrauda pero ás veces supera ás expectativas. Porque poder percorrer os montes ourensáns xa é de por si un privilexio, pero se por riba te atopas cun animal salvaxe e tes tempo suficiente para gravar o momento, a experiencia pode ser inesquecible.
Se non, que llo pregunten ao ciclista macedán Xulio Conde, alma máter do Club Ciclista Maceda, que neste xoves 21 de xaneiro se topaba cara a cara cun lobo mentres practicaba o seu deporte favorito. “Foi un momento único, sair na bici polo monte e atoparse co lobo”, asegura.
A xulgar polo vídeo o animal estaba do máis relaxado, ata o punto de quedar mirando para o ciclista uns segundos antes de continuar o seu camiño, dándolle tempo a sacar o móbil para gravar o momento que máis tarde compartía nas redes sociais.
Vídeo: Xulio Conde