Durante esta xornada de domingo 27 de outubro un home resultaba ferido por un disparo mentres participaba nunha xornada de caza no Barco de Valdeorras, tal e como informa o 112 Galicia. Foi o propio afectado o que alertaba da situación ao 112 mediante unha chamada.
“Para a atención do ferido, aos profesionais de Urxencias Sanitarias de Galicia-061 enviaron ao lugar do accidente dous equipos, un deles a bordo do helicóptero con base en Ourense, que está a disposición no caso de que sexa necesario o traslado por esta vía”, segundo o 112 Galicia.
Ademais, o persoal do Centro Integardo de Atención ás Emerxencias de Galicia puxo os feitos en coñecemento dos axentes da Garda Civil e da Policía Local.