Remontan os casos activos de coronavirus en Valdeorras. Nesta xornada a comarca rexistra un total de 171 positivos, o que supón 8 máis que onte, segundo os datos feitos públicos pola Consellería de Sanidade (actualizados ás 18h. de onte).
Os contaxios activos soben en Carballeda de Valdeorras que suma 24 (6 máis que onte), en Petín con 9 (1 máis que onte) e en Rubiá con 9 (4 máis que onte). Por contra baixan no Barco con 89 positivos (2 menos que onte) e na Rúa con 29 (1 menos que onte).
As cifras mantéñense igual que onte no Bolo con 3 positivos, en Larouco con 2, na Veiga con 1 e en Vilamartín con 5.
No referente ás hospitalizacións, o Hospital Público de Valdeorras rexistra 4 ingresos en planta por Covid, os mesmos que onte.
