Descenso no total de casos activos de coronavirus rexistrados en Valdeorras nesta xornada. A comarca sitúase en 389 positivos, o que supón 17 menos que onte, segundo os datos feitos públicos pola Consellería de Sanidade (actualizados ás 18h. de onte).
Aínda así a situación por concellos presenta matices. Así baixan os contaxios activos no Barco con 252 (9 menos que onte), no Bolo con 1 positivo (4 menos que onte), en Carballeda con 15 positivos (6 menos que onte), na Veiga con 16 (3 menos que onte) e en Vilamartín con 20 (1 menos que onte).
Por contra, rexístrase un leve aumento de casos activos en Petín con 8 positivos (1 máis que onte), na Rúa con 53 (2 máis que onte) e en Rubiá con 20 (3 máis que onte).
Os datos de casos mantéñense igual que onte en Larouco con 4 positivos.
